Sharing

星期四, 3月 01, 2007

目標

唔覺地今日已經踏入 07 年第 3 月 , 今年定左以下目標 - : )

1) 想同媽咪去旅行 .... 3 月 19 日出發啦

2) 想進修 ...未想到想讀咩

3) 想靈命日長 ...未能做到 keep 住靈修同睇聖經

天父　：　

求你加力給我做好第２＆３的目標，亦求天父讓我和媽咪有一個平安喜樂的旅程　

多謝你

星期三, 11月 15, 2006

Miss You Much

尋晚係夢裡面同你傾計 , 你仲同我講你想食 d 乜野 , 雖然只係幾句既對話 , 但我地傾得好開心

今日去返以前陪你覆診既地方 , 就更加掛住你 , 眼都有 d 水汪汪 .....

每次當我想起你既時候 , 就會有個你係天家好開心 , 好快樂 , 笑住咁望住我既樣 , 咁我就會好安心 ,因為你係一個最好既地方繼續生活 .......

Daddy ... I Love you ..... ^o^

星期二, 10月 24, 2006

學習 - 交託

約伯記 5 : 7 - 8

人生在世必遇患難、如同火星飛騰。

至於我、我必仰望　神、把我的事情託付他．

"神是唯一的依靠"

星期三, 10月 04, 2006

顧全大局

由細到大，成日聽人講及同自己講，做人最緊要做番自己！這話我一直深信不疑，但近年我睇法有點不同，個個都做自己，咁邊個做其他角色？！我行我素有幾難，做到顧全大局，才是真正的強者！唔好再俾藉口話咁樣好假，如果你心腸好，出發點係為件事，「假」只不過是方法演技而已！因為自己改變而影響了結局，事後總會撫心自問「估唔到我份人可以咁樣！」，但我估通常大多會衝口而出的是「我份人係咁架喇！改唔到！」

From - Unkle Beach's Blog.

做人做事都不能夠短視 , 要沉住氣 .........

星期六, 9月 30, 2006

白手興家

我一向都好仲意留意 d 人點樣去百手興家 , 亦好欣賞呢 d 人 , 可能我自細就無咩依賴人既習慣 , 亦都唔信有不努而獲 , 就算想中六合彩 , 只少你都要付出 $5 !

做到呢 4 四個字 , 係要付出好多....好多..... !!!

星期三, 9月 20, 2006

Unkle Beach

好 Feel ............

星期三, 9月 06, 2006

愛得要及時

理想很遠　愛於咫尺卻在等
來日別操心　趁你有能力開心

世界有太多東西發生

不要等到天上俯瞰

細路仔時有句口頭禪 : 要做野就咩都講"遲 d 先啦 !" 遲 d 先做工課 , 遲 d 先沖涼 , 總之唔想做既野就會講 "遲 d 先啦 ! "

人大左 , 就會想遲 d 先 ?? 今日之後仲係咪會有呢個機會去做呢 ??

我感受過嗰種愛得太遲既痛 , 先第一次去明咩叫珍惜 , 到依傢我都未放 " 珍惜 "係我最窩心既位 , 令我成日都記得佢